Lig grod im bett außen wütet a schneesturm und do hob i ma docht i kannt enk jo an kloan Årebericht zammstelln.

Beim hikemma homma scho amoi totals glück kob. Mia hom im fliaga a truppn südtiroler troffn. De hom ins no noch åre mitgnomma. Vo östersund nach åre was siehst ziehmlich umständlich won, wia ma beim hoamreisn gmerkt hom. Bei eana sann ma donn zeascht amoi richtig vasorgt won. Do wo oa haubnkoch dabei und de hom gonz vü lebensmittel und alk sich schickn lossn. Danoch hom ins de no ins dorf brocht, wo ma no weida in insane 18km entfernte unterkunft san. Es hod owa im stunden (teilweise im halbstundentakt) shuttlebusse gem. Dort san ma in an vierbettenzimmer unterbrocht won. Am onfong won ma zu dritt. Noch zwoa tog san ma donn zu fünft dortdrinn gleng. Des zimma hod a nu an nochteil kob, dass es saukoit wor. Ma hod den eigenen atem gseng und de fenster worn vo innen vereist. Des und dass de manu kronk wor, wor da ausschalggebende punkt, dass ma zu an schweizer und deitschen ins zimmer zong san.

Am Anfang war es überhaupt eine schwere zeit. Es war saukalt, -30 Grad, dann haben wir noch acht stunden stehn müssn. Es wor a relativ schwar kontakt aufzubauen, do eigentlich die meisten schweden woan und de poor österreicher de a nu do won san so deppat gwen. East noch a poor tog wia nu a poor kemma san, hod si donn a gruppn rauskristallisiert. De hauptsächlich aus deitsche bestand. Owa echt nette. Ja des gibs a.

Essn hom ma entweder im versorgungszelt bei da race arena kriag oda im vm-center im Dorf inneren. Wor eigentlich immer guat. Typisch schwedisch hoid, owa des leant ma sist eh ned kenna.

As easte moi bin i am Sonntag ausgonga. Oana vo uns wor fohrer fia de vips und hod über an margreiter vo da tirol werbung von deafn. Dadurch hod a auf de gästelistn deaffn. Wia si no aussagstöd hod a lei üwa ins. Weil mia de tirol koppn aufkob hom und uns da margreiter ugsprochn hod und ea danem gstond is. Naja seis drum. Jedenfois wor donn i mitn martin (da fohrer) und an christof (a schweizer) im tirolberg. Do san scho kloane heimatgefühle in mia hochkemma. Jetzt ned wirklich org, owa irgendwie scho. An dem obend hom ma donn a de niki hosp troffn. Sie hod donn drauf glei de goldene gmocht. Vielleicht hom ma a bissal glick brocht. Nochdem da tirol berg um oans zua gmocht hod sam ma donn ins bygget. Des is da angesagteste club dort. Normalerweis kimmst do ned so leicht eine, owa i bin mitn mario scheiber eine. Do is des total leicht gonga. Wor a glab i sist vü prominenz dort, wia i donn danoch dafrogg hob. Wissts eh i kenn jo de gonzn wichtigen ned. Wor jedenfois a richtige hetz. Hoam san ma donn mitn taxi.

Am naxten tog hob i donn um ochte ufanga miassn, wor a bissal zach. Owa sist hatt i glab i a ned so long schloffn kena.

Schifohn hob i leida nia kena. Am onfong wia i nu zeit kob hätt, hob i a entzündung bei da archilles sehne kob. Donn wia des wieda hoibwegs bessa gonga is, hod a schneesturm eigsetzt. Owa i hob vo ondane a poor fotos wias gwen war. Is natürlich ned zu vergleichn mit insane hügel, war owa sicha a gonz bärig gwen.

Ansonsten san ma donn nu des öfteren Tiroler Berg gonga. Es wor eigentlich donn fost nia a problem dort eini zkemma. Mia hom donn a glei zwoa wahltirolerinnen mitgnomma. Oane kimb vo ostdeitschlond und oane vo münchen. Dene hods natürlich in soan umfeld total gfoin. Kennts jo de deitschn.

So homma de zeit gonz guat ummabrocht. Auch dank der Hilfe von Matthias Strohrum. War äußerst wertvoll und unser bester Freund.

Einige von den Promis hom ma a näher kennengelernt, wobei ma song muaß, dass da ORF und seine moderatoren unsymphatisch woan. De oanzigen wos wirklich nett won vo eana worn ADI und EDI. De hom sie hin und wieda zeit fia mi gnomma wia i draussen in da köttn gstondn bin. Vo de schifohrer hea, won eigentlich olle gonz nett außa: Marlies und Benni. Sie hod wias lei silber gwunga hod fost kreat. Eam is ned amoi a hallo aussakemma. Des hod si donn a bei eanane fanclubs wiedergespiegelt. An marlies schild fanclub host geng dwond schmeissn kena. Dagegen da Michi Kirchgasser Fanclub wor total liab. Eana hob i donn a mei flaggn glichn. De hobs sicha hin und wieda im Fernsehen gseng. I hob gschaug, dass i ned ins bild kim, dass ned auffoit, dass i nix orbeit. War a bissal bled, wenn i auf meina position steh miassat und donn groß auf da leinwond bin.

Wos i a irrsinnig toll gfundn hob, wor dass ma an letzten omd an oberchef troffn hom. (Dea hod si umman kenig und ois hoid kummat.) Ea is donn zu mia hea kemma und hod mi umarmt und total liebevoll vüa ois bedonkt. Des tatst bei ins glab i nia gem. I wor amoi fia a zeit gonz baff.

Am letzten Tag hob i ma donn an wellness tog in so an fünf sterne hotel gegönnt. Do host als volunteer gonz billig eini deafn. Owa noch sechs verschiedenen saunagängen bin i donn doch ins neie quartier hoam. Wor a bissal ausglaug.

Am naxten tog san ma donn mit einem flug verspätung und irrsinnig vü gepäck hoamgreist. I hob beschlossn, i packtlt jetz fia longe zeit nimma.
Dahoam (in göteborg) hods si nix vaändat, außa, dass ma an schneesturm mitbrocht hom. So a sch...
I wea vasuachn de restlichen bilder auf a öffentliches album zu loden. I schick enk donn de adress.


Fazit: De naxt wm weat a surf wm wo, ma nix mitnemma miassn weil’s hoaß is.